Türkiyənin Qaziantep şəhərində toyu olan qadının keçmiş əri və onun qohumları ziyafətin keçirildiyi ünvana gələrək silahla toy sahiblərinə atəş açıblar.
Gununsesi.info xəbər verir ki, hadisə zamanı 1 nəfər ölüb, 4 nəfər yaralanıb.
Hücumdan sonra şübhəlilər hadisə yerindən qaçıb. Hadisə yerinə çoxlu polis və tibb personalı gəlib. Həkim qrupları tərəfindən aparılan yoxlama zamanı bəyin qohumu olduğu müəyyən edilən Murat Karanın (32) hadisə yerində öldüyü müəyyən edilib. Yaralanan 4 nəfər ilkin tibbi yardımdan sonra təcili yardımla Şehitkamil xəstəxanasına aparılıb.
Polis qrupları yaralıların aparıldığı Şehitkamil Xəstəxanası və ətrafında təhlükəsizlik tədbirləri görüb, xəstəxananın giriş-çıxışlarını nəzarətdə saxlayıb. Hadisə yerindən qaçan təcavüzkarların tutulması üçün araşdırma başladılıb.
Gununsesi.info
