Fransada polisin təqibi zamanı skuterlə qaçan iki gənc qəzadan sonra xəstəxanaya yerləşdirilib.
Gununsesi.info xəbər verir ki, Fransanın İle-de-Frans bölgəsindəki Seine-et-Marne şəhərində baş verən qəzada skuterin sərnişini və gənc sürücü müalicə olunduğu xəstəxanada dünyasını dəyişib.
Daxili İşlər Naziri Gerald Darmanin “Brut”a verdiyi müsahibədə iki gəncin ölümü ilə bağlı, “Heç kim polisin xəbərdarlığına tabe olmadıqları üçün həyatını itirməyə layiq deyil. Polis və ya jandarm sizdən dayanmağı tələb etdikdə, dayanmalısan” deyib.
Digər tərəfdən, polis zorakılığı ilə gündəmə gələn ölkədə 17 yaşlı yeniyetmələrin ölümü siyasətçilərin reaksiyasına səbəb olub. Solçu deputatlar işıqforun qırmızı işığından keçməsinin gənclərin ölümü ilə nəticələnməsinə reaksiya veriblər.
Cinayətkarlıqla Mübarizə Briqadası (BAC) polisi işıqforun qırmızı işığında keçdiyini aşkarladıqları skuterin sürücüsünə “saxla” xəbərdarlığı edib. Eyni skuterdə 17 yaşlı dostu ilə səyahət edən sürücü polisin xəbərdarlığına tabe olmayıb.
Skuterdə olan gənclər təxminən 2 kilometr davam edən təqibdən sonra işıqforda dayanan avtomobilin altına sürünüblər. Qəzada yaralanan iki gənc xəstəxanaya çatdırılıb və skuterin sükanı arxasında olan gəncin dünyasını dəyişdiyi bildirilib.
Gununsesi.info
