İraqın Ərbil şəhərində tələbə və müəllimlərin qaldığı binada baş verən yanğında 14 nəfər həyatını itirib.
Gununsesi.info bildirir ki, İraq Kürd Regional Rəhbərliyinin (KRG) Səhiyyə Nazirliyinin rəsmiləri yerli mətbuata açıqlama verərək, Ərbilin Soran rayonunda bir binada baş verən yanğında 14 nəfərin həyatını itirdiyini, 5 nəfərin isə yaralandığını qeyd edib.
Binanın müəllimlərlə yanaşı, Soran Universitetinin tələbələri tərəfindən də istifadə edildiyi bildirilərkən, regional rəhbərliyin baş naziri Məsrur Bərzani də hadisə ilə bağlı araşdırma aparılmasına göstəriş verib.
Gununsesi.info
