Qazax rayon Polis Şöbəsinin əməkdaşları uzun müddətdir respublikanın müxtəlif ərazilərində özünü vergi xidmətinin əməkdaşı kimi təqdim edən qrupu ifşa edib .
Gununsesi.info-nun məlumatına görə, özünü vergi işcisi kimi təqdim edən qrup istənilən sahələrdə gəlir əldə edən mağaza səyyar satış mərkəzləri və ya yol kənarlarında meyvə- tərəvəz satan şəxslərə yaxınlaşaraq, onların satdığı məhsulun ya keyfiyyətsiz ya da müddətinin keçməsini bəhanə gətirərək onlardan bunun əvəzində pul tələb edirmiş. Bu minvalla dırnaqarası qəhrəmanlar ölkənin mərkəzi hissəsindən sərhədinə kimi gəlib çıxıblar . Sonuncu dəfə də cəbhə rayonunun cəbhə kəndi olan Kəmərlidə mağazalardan bu üsülla pul tələb ediblər . Qazax rayon Polis Şöbəsinə müraciət edən sakinlərin ərizəsi əsasında əməliyyat qrupu yaradılaraq dələduzların axtarışına başlanılıb . Çox keçməyib ki, 3 nəfərdən ibarət qrup rayonun digər ərazisində saxlanılaraq idarə etdikləri nəqliyyat vasitəsilə birgə polis şöbəsinə gətirilib . Maraqli məqamlardan biri də odur ki, dələduzluq edən şəxslərin seçdikləri məkan yaşadıqları yerdən uzaq məsafədə olmasıdır . Yoxlama zamanı dələduzluq edən şəxslərin üzərindən müxtəlif rayonlardan götürülmüş qəbzlər də tapılıb.
Gununsesi.info
