İsrail Hərbi Hava Qüvvələrinə məxsus döyüş təyyarələri Suriyanın paytaxtı Dəməşqə hava hücumu həyata keçirib.
Gununsesi.info-nun məlumatına görə, “Times of Israel”in açıqladığı xəbərdə Dəməşqin cənubundakı Seyyidə Zeynəb bölgəsinin vurulduğu və bir neçə nöqtədən partlayış səslərinin eşidildiyi bildirilib.
Qətər mərkəzli Əl-Cəzirə telekanalı xəbərində “Suriyanın paytaxtı Dəməşqin cənub bölgəsində İsrailin növbəti şübhəli hava hücumu təşkil edib” ifadəsini “son dəqiqə” xəbəri olaraq verib.
***15:24
Suriyanın paytaxtı Dəməşqdə Seyyidə Zeynəbin məqbərəsi yaxınlığında ardıcıl şiddətli partlayışların olduğu bildirilib.
Gununsesi.info xəbər verir ki, Suriya mətbuatına danışan şahidlər bölgədə İran İnqilab Keşikçiləri Korpusuna (SEPAH) aid bir nöqtənin hədəf alındığını qeyd ediblər.
İsrail bir müddətdir Suriyada İrana qoşulan qüvvələrə qarşı hücumlar həyata keçirir.
İordaniya-Suriya sərhədindəki ABŞ hərbi bazasını hədəf alan hücum bölgədə gərginliyi artırıb və ABŞ İranı günahlandırıb. Tehran hücumda hər hansı əli olduğunu təkzib edib.
Gununsesi.info
