Rusiyada azərbaycanlı bacılar fırıldaq yolu ilə külli miqdarda pul mənimsəməkdə ittiham olunaraq saxlanılıblar.
Gununsesi.info Kommersant-ru-ya istinadən xəbər verir ki, Sberbankın Moskva bölməsinin menecerləri Məryəm və Tamilla Dadaşovalar bankdan bir müştərinin hesabından 40 milyon rublu çıxartmaqda şübhəli bilinərək polis tərəfindən saxlanılıb.
Dadaşova bacıları dəyəri 7 milyon rubldan artıq olan Ferrari maşın alarkən polis tərərfindən saxlanılıb.
Kommersant.ru-nun verdiyi məlumata görə, Dadaşova bacıları 4 milyard rublu oğurlamağı da planlaşdırırmışlar.
26 yaşlı Məryəm Dadaşova Sberbankın Moskva şəhərindəki Bolşoy Andronevskoy küçəsi 6-da yerləşən bölməsində menecer, 22 yaşlı Tamilla isə bankın Lüsinovskiq küçəsindəki bölməsində menecer kimi çalışırmış.
Hər iki bacı kiçik biznesə xidmət edən sahəyə cavabdeh şəxslər olub.
Dadaşova bacılarına qarşı fırıldaq yolu ilə külli miqdarda vəsaitit mənimsəməkdə ittiham irəli sürülərək, barələrində cinayət işi açılıb.
Bəzi məlumatlara görə, Dadaşova bacıları ev dustağıdır.
Onlardan şəhərdən çıxmamaq barədə ərizə alınıb.
Polisdə Dadaşova bacıları ilə yanaşı, bankın bir neçə əməkdaşı da dindirilib.
Çünki, hüquq-mühafizə orqanları hesab edir ki, belə bir böyük məbləğdə vəsaiti onlar təkbaşına çıxarmayıblar və bu işdə qeyrilərinin də əli ola bilər.
Onu da qeyd edək ki, Məryəm Dadaşova 2013-cü ildə Ümumrusiya Xarici Tticarət Akademiyasını bitirib.
Sberbnakda isə bir bundan öncə işə düzəlib.
Tamilla isə başqa bir Universitetin iqtisadiyyat və hüquq fakültəsini bitirib.
Onlar yaxşı fəaliyyətinə görə, bankın paytaxta yaxın bölmələrində fəaliyyətə cəlb olunublar.
Gununsesi.info
