Rusiya gözlənildiyindən daha sürətli silahlanır və 3-5 il ərzində NATO ölkəsinə hücum edə bilər.
Gununsesi.info xəbər verir ki, bu barədə cümə günü Danimarkanın müdafiə naziri Troels Lund Poulsen “Jyllands-Posten” qəzetinə müsahibəsində bildirib.
“Rusiyanın hərbi texnika istehsalında potensialı çox artıb”, – Danimarkalı nazir deyib.
O vurğulayıb ki, Danimarka hərbi sərmayələrini sürətləndirməlidir. “İstisna etmək olmaz ki, 3-5 il ərzində Rusiya 5-ci maddənin gücünü və NATO həmrəyliyini sınayacaq. Bu, 2023-cü ildə NATO qiymətləndirməsi deyildi. Bu, indi gündəmə gələn yeni bilikdir”.
Poulsen qeyd edib ki, Danimarka üçün birbaşa təhlükə yoxdur, lakin NATO-ya üzv ölkədə sabitliyi pozmağa yönəlmiş hibrid hücumlarla üzləşə bilər.
“Rusiyanın potensial olaraq bunu etmək arzusu var. Ola bilsin ki, indi onlar da bizim gözlədiyimizdən daha tez hərbi imkanlar əldə edə bilsinlər. Real narahatlıq üçün əsas var”, – o deyib.
Təhdidlərin qiymətləndirilməsində dəyişiklik digər Avropa NATO ölkələrinin son həftələrdə oxşar xəbərdarlıqlardan sonra baş verib.
Almaniyanın müdafiə naziri Boris Pistorius yanvar ayında bildirib ki, alyans 5-8 il ərzində Rusiyanın NATO ölkəsinə hücumuna hazırlaşmalıdır.
İsveç Silahlı Qüvvələrinin Ali Baş Komandanı Mikael Büden və Mülki Müdafiə naziri Karl-Oskar Bohlin bildiriblər ki, ölkənin bütün vətəndaşları müharibəyə hazır olmalıdır.
Norveç Silahlı Qüvvələrinin Ali Baş Komandanı Rusiya ilə potensial birbaşa qarşıdurmaya hazırlaşmaq üçün “fürsət pəncərəsini” əldən verməməyə çağırıb, çünki bu müddət bir neçə ildən sonra başa çata bilər.
Gununsesi.info
