DEM Partiyasının İstanbulda namizəd göstərəcəyi Başak Dəmirtaşın geri çəkilməsindən sonra siyasətin ən mühüm mövzularından biri kimi gündəmə gəlib.
Gununsesi.info Türkiyə mətbuatına istinadən xəbər verir ki, İstanbulda seçki balansını dəyişmək potensialına malik olduğu bilinən DEM Partiyasında Dəmirtaşın yerinə gələn Meral Danış Beştaşın adı partiya kulislərində hallandırılmağa başlayıb.
Partiya kulislərindən sızan məlumatlar arasında Başak Dəmirtaşın namizədliyi ilə bağlı partiya daxilində konsensusun olmadığı və namizədlik bəyannaməsinin məsləhətləşmə prosesi olmadan verilməsi ilə bağlı tənqidlərin olduğu da var. Partiya daxilində xüsusilə güclü mövqedə olan qadın təşkilatının Dəmirtaşın namizədliyinə qarşı çıxdığı və namizədlik prosesinin məşvərətlə müəyyən edilməsi ilə bağlı açıq mövqe nümayiş etdirdiyi bildirilib.
Dəmirtaş namizəd olmayacağını açıqladıqdan sonra DEM Partiyası Qrup sədr müavini Sezai Temelli İstanbul Böyükşəhər bələdiyyə sədrliyinə namizədini fevralın 9-da elan etməyi düşündüklərini bildirib. Fevralın 9-da açıqlanacaq namizədin Meral Danış Beştaş olacağı bildirilir.
Gununsesi.info
