Deputat: “Baş nazirin Qubada villası var , amma yolu düzəltdirmir”

  • By admin
  • 05 Aprel 2022 12:03

“Bakı-Quba yolunun yenidənqurulması ilə bağlı Baş nazirin müavini ilə görüşdüm. Yolun təmiri ilə bağlı pul ayrılmasını xahiş etdim. Bu yolla getmək ümumiyyətlə mümkün deyil. İnsanlar bu yoldan istifadə etmək istəmirlər”.

Gununsesi.info xəbər verir ki, bunu Milli Məclisin bu gün keçirilən iclasında deputat Vahid Əhmədov deyib.

Deputat bildirib ki, ona deyirlər alternativ, pullu yol çəkilir.

“Bu, əvvəlki yolu əvəz etmir. Çünki o yol birbaşa Xaçmaza və SDK-ya gedir. Mən bir daha yolun çəkilməsi ilə əlaqədar Baş nazirə müraciət edirəm. İstər Baş nazir olsun, istər baş nazirin müavini, istər nazirlərin hamsının Qubada, Qusarda villaları var. Özləri də həftədə bir dəfə, iki dəfə o yolu gedib-gəlirlər. O yolu görmürlər? Ümumiyyətlə məsələ elədir ki, Prezidentə çıxmadan Azərbaycanda bir sıra məsələləri həll etmək mümkün deyil. Əgər dövlətin Baş naziri, onun birinci müavini məsələni bilirsə, onu həll etmirsə, məcbur oluram ki, cənab Prezidentə müraciət edəm ki, bu yolun məsələsi həll edilsin”.

Gununsesi.info