Milli Məclisin son komitə iclaslarında növbəti ilin büdcə sənədinin müzakirəsi hələ də gündəm olaraq qalır. Qeyd edək ki, parlamentarilər büdcə müzakirələrində öz maaşlarından tutmuş, bir çox kateqoriyalı vətəndaşların sosial təminatı ilə bağlı təkliflər irəli sürüb.
Gununsesi.info-nun xəbərinə görə, millət vəkili Elmira Axundova tibb işçilərinin ağır durumuna diqqəti yönəldib. O, xatırladıb ki, ooliklinikada çalışan tibb bacısının maaşı 110-120 manatdır: “Yüksək savadlı həkimlərin məvacibi cəmi 150-160 manatdır. Biz bununla hara gedirik?! Xaricdə təhsil alan tələbələrimiz-həkimlərimiz Azərbaycana dönmək istəmirlər. Onlar öz sahələrinin uzmanıdırlar və deyirlər ki, bura dönsələr cəmi 250-300 manat alacaqlar”.
Millət vəkilinin sözlərinə görə, bu, çox acınacaqlı bir haldır.
