“Mən foto və video kadrlarda erməni vandalları tərəfindən dağıdılmış Ağdaban kəndini və Dədə Şəmşirin dağıdılmış məzarını görəndə 1992-ci il aprel 7-dən 8-nə keçən keçə baş verənləri bir daha xatırladım. Həmin gecə ermənilər xalqımıza qarşı növbəti soyqrım həyata keçirib”.
Bunu Gununsesi.info-ya açıqlamasında Kəlbəcərin deputatı, əslən Ağdabandan olan Aqil Məmmədov 32 il əvvəl yaxın qohumlarının və həmkəndlilərinin adıçəkiləın kənddə yaşadığı dəhşətlərdən danışarkən söyləyib: “Bilirsiniz ki, 1992-ci il aprelin 7-dən 8-nə keçən gecə Kəlbəcər rayonunun Ağdaban kəndində də xalqımıza qarşı amansız soyqırımı törətdilər. Bu soyqırımı aktı zamanı onlarla dinc sakin qabaqcadan hazırlanmış plan əsasında xüsusi amansızlıqla qətlə yetirildi, insanlar diri-diri yandırıldı, kənd tamamilə yerlə-yeksan edildi. Onların 20 nəfərə yaxınıbizim qohumlar. Erməni vandalları klassik ədəbiyyatımızın və el sənətimizin tanınmış nümayəndələri ağdabanlı Şair Qurbanın və Aşıq Şəmşirin nadir əlyazmalarını yandırıb kül etdilər. Mən dünən sizin saytda Dədə Şəmşirin dağıdılmış məzarının fotolarını gördüm. Bu məni bir tərəfdən sarsıtsa da digər tərəfdən o yurda qayıtmağımız məni sevindirdi. Artıq Ağdaban Azərbaycanın suveren ərazisidir. Bizim kəndin sakinləri gedib oranı ziyarət edib. Cənab Prezidentimizin Böyük Qayıdış planına uyğun olaraq, bizim kəndimizin sakinləri də öz yurduna qayıdacaq”.
Deputatın sözlərinə görə, bugün işğaldan azad edilən ərazilərimizdə, o cümlədən Kəlbəcərdə aparılan nəhəng quruculuq işləri bütün kəlbəcərliləri, o cümlədən ağdabanlıları böyük gələcəyə ümidləndirir: “Çox xoşbəxtik ki, bu gün cənab prezidentin tapşırığı ilə Kəlbəcərə, Ağdabana yeni abad yollar çəkilir, infrastrukturun qurulması üzrə tədbirlər görülür”.
Elmar
Gununsesi.info
