Mirzə Fətəli Axundov adına Milli Kitabxana da ixtisarlara başlanılmasıyla bağlı sosial şəbəkələrdə müzakirələr açılıb.
Belə ki, sözügedən kitabxana da qənaət rejiminə keçirildiyi üçün 5 şöbənin ləğv olunaraq əvəzinə 3 şöbə təsis edildiyi söylənilir.
Milli Kitbxanadan Gununsesi.info-ya xəbərin doğruluğu təsdiqlənsə də, fərqli məlumat verilib. Direktoru Kərim Tahirovun sözlərnə görə, hazirda kitabxanada 5 şöbə ləğv edilərək, əvəzində 2 şöbə yaradılıb. Direktorun sözlərinə görə, şöbələr ləğv edilsə də, işçilər ixtisara salınmayıblar:
“Bu prosesə 6-7 ay idi ki, hazırlaşırdıq. İşçilərə gəlincə isə məzuniyyətə məcburi yox, könüllü göndəriliblər. Əməkhaqqı fondunda kiçik çatışmazlıq var. Bütün bunlar iyul ayında öz həllini tapacaq. Kim öz hesabına məzuniyyətə getmək istəmirsə, işini davam etdirir. Əvvəllər öz hesabına məzuniyyət vermirdik, indi təklif etdik ki, kim istəsə 5-10 gün məzuniyyət götürə bilər. Lakin bu məcburi yox, könüllü surətdə edilib”-, deyə o bildirib.
Gülnaz Qənbərli
Gununsesi.info
