Tramp Viskonsin ştatından zibil maşını ilə keçib - FOTOLAR

  • By Günel
  • 31 Oktyabr 2024 08:48

ABŞ prezidenti Co Bayden Donald Trampın tərəfdarlarını zibillə müqayisə etdikdən sonra Respublikaçılar Partiyasından prezidentliyə namizəd Donald Tramp zibil maşını ilə Viskonsin ştatından keçib.

Gununsesi.info xəbər verir ki, bununla bağlı video Trampın seçki kampaniyasının “X” səhifəsində yerləşdirilib.

“Mənim zibil maşınım haqqında nə düşünürsünüz? Bu, ABŞ-ın vitse-prezidenti Kamala Harris və Co Baydenin şərəfinə olan yük maşınıdır”, – deyə o bildirib.

Qeyd edək ki, oktyabrın 29-da Bayden ABŞ-da gördüyü yeganə üzən zibilin Trump tərəfdarları olduğunu deyib.

Tramp tərəfdarları Baydenin onlara qarşı təhqirlərini iyrənc adlandırıblar. Onların fikrincə, Bayden ABŞ əhalisinin yarısını zibil adlandırıb.

Xatırladaq ki, noyabrın 5-də Amerikada prezident seçkiləri keçiriləcək.

tramp-mitinqe-zibil-masini-ile-geldi

Gununsesi.info