“Müğənninin qonorarı ona olan tələbat və öz işlərinə xərclədiyi maliyyə ilə tənzimlənir. Camaat böyük heyətlə oturub strategiya cızır, plan qurur”.
Gununsesi.org xəbər verir ki, bu sözləri müğənni-bəstəkar Murad Arif sosial şəbəkədə yazıb. Sənətçi 4 il ərzində sənətinə 240 min manat xərclədiyini etiraf edib:
“Bilin ki, il ərzində 3-4 video çıxaran, onu reklam edən, azı 2-3 konsert verən müğənni 250-300.000 AZN pul xərcləyir. Hərdən ziyanımıza da işləyirik. 2014-2018-ci illər arası yazdırdığım, çəkdirdiyim bütün işlərə şəxsən 240.000 AZN xərcləmişəm. Məndən 3-5 qat artığını da Miri Yusif, Aygün Kazımova, Tünzalə Ağayeva, Röya Ayxan xərcləyir. Qonorarları müzakirə edəndə, bir bunu da deyin də…
Daha bəziləri kimi, o kanal sənin, bu kanal mənim, hər dəxlisiz mövzuyla, repertuarın, öz hitlərin olmadan, sənətə pul xərcləmədən gündəm olmağa nə var ki? Başqasının pulunu saymaq, iş prinsipini tənqid etmək ədəbdən deyil… Etməyin”.
