Sudandakı silahlı münaqişə nəticəsində təxminən 3 milyon uşaq ölkə daxilində didərgin düşüb.
Gununsesi.info xəbər verir ki, bu barədə BMT-nin Uşaq Fondunun (UNICEF) məlumatında deyilir.
Qeyd olunur ki, bu, dünyada ən yüksək göstəricidir.
UNICEF qeyd edib ki, vətəndaş zorakılığının artması getdikcə daha çox uşağın zorakılıq, sui-istifadə və istismar riski ilə üzləşərək evlərini tərk etməsinə səbəb olub.
“Müharibə dayandırılmalıdır ki, uşaqlar təhlükəsiz, sağlam, öyrənə və oynaya bilsinlər”, – məlumatda deyilir.
Sudanda hökumət ordusu ilə Çevik Reaksiya Qüvvələri (RRF) arasında aprelin 15-dən bəri toqquşmalar davam edir.
