Dünyada ilk dəfə bir şirkət kosmosa zibil buraxdığına görə cərimələnib.
Gununsesi.info xəbər verir ki, ABŞ-ın Federal Rabitə Komissiyası (FCC) Yer orbitində kosmik tullantı atdığına görə “Dish Network”u 150 min dollar cərimələyib. İlk dəfədir ki, bir şirkət kosmosda zibil atmağa görə cərimələnir.
ABŞ-ın Federal Rabitə Komissiyası (FCC) Yer orbitində kosmik tullantı atdığına görə Dish Network-u 150 min dollar cərimələyib.
FCC “Dish Network”a tətbiq edilən cərimənin köhnə peyk olan “EchoStar-7″ni istifadədə olan digər peyklərdən kifayət qədər uzaqlaşdıra bilmədiyi üçün tətbiq edildiyini və peykin Yer kürəsinin orbitində olan digər peyklər üçün potensial risk yaratdığını bildirib.
FCC Mühafizə Bürosunun rəhbəri Loyaal Eqal verdiyi açıqlamada cəriməni kosmos zibilləri üzərində dönüş nöqtəsi kimi qiymətləndir. “Peyk əməliyyatları daha geniş yayıldıqca və kosmos iqtisadiyyatı sürətləndikcə, operatorların öhdəliklərinə əməl etmələrini təmin etməliyik. FCC kosmik tullantı qaydalarına riayət edilməsində mühüm rol oynayır. Bu, onun güclü icra səlahiyyətinə və potensialına malik olduğunu açıq şəkildə nümayiş etdirir”, – deyə o bildirib.
“Dish Network” şirkəti “EchoStar-7” peykini 2002-ci ildə kosmosa çıxarıb və peykin ömrü keçən il başa çatıb. Şirkət peyki Yerdən 300 kilometr uzaqlaşdırmalı idi, lakin peykin yanacağı bitdiyi üçün onu 122 kilometr uzaqlaşdıra bilib.
Kosmik tullantılar Yer ətrafında orbitdə olan, lakin artıq istifadə olunmayan və toqquşma riski altında olan texnologiya parçalarından ibarətdir. 1967-ci ildən bəri Yer orbitinə 10 mindən çox peykin buraxıldığı təxmin edilsə də, bu peyklərin yarıdan çoxu hazırda istifadə olunmur. NASA-nın məlumatına görə, uzunluğu 10 santimetrdən çox olan 25 mindən çox kosmik dağıntı var.
Keçən iyul ayında verdiyi açıqlamada NASA prezidenti Bill Nelson kosmik tullantının “böyük problem” olduğunu ifadə edib. “Saatda 17.500 mil orbital sürəti ilə yanlış istiqamətdə gələn bir boya parçası belə kosmosda gəzən astronavta dəyə bilər. Bu ölümcül ola bilər”, – deyə vurğulayıb.
Səid Əhmədli
Gununsesi.info
