Avstraliyanın Melburn şəhərində dünyanın ən uzun pişiyi tapılıb.
Gununsesi.info Türkiyə mətbuatına istinadən xəbər verir ki, Omar adlı pişiyin sahibi Stephy Hirst sözügedən heyvanı 2013-cü ildə evə gətirdiyini deyir.
S. Hirst sözlərinə görə, həmin vaxtı pişik bala olduğu üçün ölçüləri normal pişiklərdən fərqlənməyib:
“Ancaq bu pişik sürətlə böyüb. 4 ildən sonra internetdə fenomenə çevrilib. Hazırda pişiyin ölçüsü 120 santimetr, çəkisi isə 14 kiloqramdır. Pişik normal ev itindən böyükdür. Pişik dünyanın ən uzun ev pişiyi adına namizəddir. Hətta, pişiklə “Ginnesin Rekordlar Kitabı” da yaxından maraqlanıb. Artıq əməkdaşlar pişiyin ölcüsünü götürüblər, 12 həftədə sonra cavab bəlli olacaq. Omarın “Ginnesin Rekordlar Kitabı”na düşməsi onun həyatında hər hansı dəyişiklikə yol açmayacaq. Məncə, Omar normal ev pişiyi olmaqdan məmnundur”.
S. Hirst qeyd edir ki, Omar səhərlər əsəbi olur: “Pişik səhərlər bir neçə qaşıq “sıyıq” yedikdən sonra evin bağçasında gəzişir. O əsasən kenquru ətiylə qidalanır. Pişik gecələri yataq otağında yatır. Omar mətbəxdəki dolabları, duş kabinəsini və qardirobu açmağı bacarır”.
S. Hirst bildirib ki, pişiyi görmək üçün rəfiqələri onun evinə gələrək pişiyin ölçüsünün həqiqi olub-olmadığını, və ya fotoşopda hazırlanması barədə suallar verirlər.
Anar
Gununsesi.info
