ABŞ-ın Alabama ştatında ölüm cəzası məhbusu azot qazı ilə edamların konstitusiyaya zidd olduğunu iddia edərək federal məhkəməyə iddia qaldırıb.
Gununsesi.info xəbər verir ki, ötən ay ABŞ-da Kennet Smit ölkə tarixində azot qazı ilə edam edilən ilk məhbus olub və edam üsulu təkcə ölkədə deyil, bütün dünyada müzakirələrə səbəb olub. Edamı izləyən bir şahid Smitin bədəninin dəqiqələrlə şiddətlə spazm olduğunu söyləyib və edam üsulunu “dəhşətli” adlandırıb.
Edamını gözləyən məhbus David Fillip Vilson da yanvarın 26-da məhbus Kennet Smitin ölkədə ilk dəfə istifadə edilən azot qazı ilə edamı zamanı əziyyət çəkdiyi səbəbiylə Alabama ştatında məhkəməyə müraciət edib.
Alabama ştatında 1988-ci ildə törədilən qətldə qatil olduğu üçün ölümə məhkum edilən 58 yaşlı Kennet Smitə 26 yanvarda nəfəsi kəsilənə qədər maska ilə azot verilib.
Alabama Baş prokuroru Stev Marşal edamın dərslik xarakteri daşıdığını müdafiə etdi və ştatın azotla edamları artıracağını açıqlayıb.
Vilson iddia edib ki, edam zamanı Smit bir neçə dəqiqə insan təcrübəsində şiddətlə sarsıldı və səlahiyyətlilər işgəncəyə bərabər bir üsul uğursuz olub. Alabama ştatının federal məhkəməsinə verilən ərizədə azotla edamın işgəncə olduğu və bir daha icazə verilməməsi lazım olduğu vurğulanıb.
Müraciətdə şahidlərin Smitin edam zamanı titrədiyini və sarsıldığını gördükləri və bunun ştat rəsmilərinin federal hakimlər qarşısında azotla edamın tez və insanpərvər ölümü təmin edəcəyi öhdəliyinə zidd olduğu ifadə edilib. İddia ərizəsində məhkəmədən hazırkı azotlu edam protokolunun məhbusun qəddar və qeyri-adi cəzadan müdafiə olunmaq kimi konstitusion hüququnu pozduğuna dair deklarativ qərar çıxarması istənilib.
Vilson quldurluq və qətldə təqsirli bilinərək 2004-cü ildə ölüm cəzasına məhkum edilib.
Gununsesi.info
