Elm aləmində həyəcan verici bir inkişaf var . Oreqon Sağlamlıq və Elm Universiteti (OHSU) və Portland Universitetinin tədqiqatçıları xərçəng və dağınıq skleroz (MS) kimi xəstəliklərin inkişafını maneə törədə bilən təbii maddə kəşf ediblər.
Gununsesi.info xarici mediaya istinadən xəbər verir ki, illərlə aparılan araşdırmalardan sonra əldə edilən bu kəşf, bitkilərdə olan və mühüm fermenti təsirsiz hala gətirən sulfuretin adlı flavonoid birləşməsi sayəsində mümkün olub.
Laboratoriya testləri sulfuretinin xərçəng və MS ilə əlaqəli olan hialuronidaza fermentinin fəaliyyətini maneə törətdiyini göstərdi.
Bu ferment bədəndə hialuron turşusunu parçalayır, bu da hüceyrə zədələnməsinə və xəstəliyin inkişafına səbəb ola bilər.
Araşdırmaya rəhbərlik edən Prof. Dr. Larri Şerman sulfuretinin təkcə xərçəng və MS-nin deyil, həm də Alzheimer kimi neyrodegenerativ xəstəliklərin müalicəsində perspektivli potensiala malik olduğunu bildirdi. Hialuronidaza fermentini maneə törətmək sinir hüceyrələrini qoruyan miyelin qabığının təmirini sürətləndirə və hüceyrə səviyyəsində bərpanı təmin edə bilər.
Bu kəşf kimya professoru Angela Hoffman və onun Portland Universitetindəki tələbələrinin uzun illər ərzində apardıqları işlərin nəticəsidir. Alimlər bitkilərdən əldə edilən müxtəlif birləşmələri bir-bir araşdıraraq xəstəliklərlə mübarizə potensialına malik birləşmələri müəyyən etməyə çalışıblar.
İndi elm adamları bu kəşfin müalicəvi təsirlərini daha da araşdırmaq üçün işlərini davam etdirirlər. Sulfuretin-in təhlükəsizliyi və potensial yan təsirləri ilə bağlı testlər bu təbii birləşmənin insan sağlamlığına təsirini daha da araşdıracaq.
Orxan
