Bu gün Bakı Ağır Cinayətlər Məhkəməsində ilahiyyatçı, Qafqaz Müsəlmanları İdarəsinin (QMİ) sektor müdiri işləmiş Elşən Mustafaoğlu barəsində cinayət işi üzrə məhkəmə prosesi başa çatıb.
Gununsesi.info-nun məlumatına görə, hakim Səbuhi Hüseynovun sədrlik etdiyi prosesdə təqsirləndirilən E. Mustafaoğlu son söz deyib.
Sonra prosesdə hökm oxunub. Hökmə əsasən, E. Mustafaoğlu 10 il müddətinə azadlıqdan məhrum edilib.
Xatırladaq ki, dövlət ittihamçısı onun 12 illik azadlıqdan məhrum edilməsini istəmişdi.
Qeyd edək ki, E. Mustafaoğlu 2014-cü ildə həbs olunub. O, Cinayət Məcəlləsinin 274-cü (dövlətə xəyanət) maddəsinə əsasən təqsirləndirilir.
Gununsesi.info
