Əfsanəvi müğənni Elvis Preslinin Qreyslenddəki tarixi evi satışa çıxarılıb.
Gununsesi.info xarici mətbuata istinadən xəbər verir ki, tarixi malikanə mayın 23-də Shelby County Məhkəməsində ən yüksək təklifi verən şəxsə satılacaq.
Bildirilir ki, məşhur müğənni bütün mirasını ötən il 54 yaşında vəfat etmiş tək varisi olan qızı Liza Presli bağışlamışdı.
Müğənninin nəvəsi, Graceland-ın hazırkı sahibi Riley Keough, satışın fırıldaqçılıq olduğunu iddia edərək məhkəməyə müraciət edib. Onun vəkilinin verdiyi məlumata əsasən bazar ertəsi satışla bağlı müvəqqəti məhdudlaşdırma qərarı verilsə də növbəti dinləmə çərşənbə gününə təyin edilib.
İddiaya görə, Elvisin yeganə övladı Lisa Mari Presli 2018-ci ildə Graceland-dan girov kimi istifadə edərək 3,8 milyon dollarlıq kredit almaq üçün veksel imzalayıb.
Naussany Investments and Private Lending şirkəti isə iddia edir ki, Lisa Mari ölməzdən əvvəl pulu qaytara bilməyib.
Lakin Raylinin qaldırdığı iddiada anasının şirkətdən kredit almadığı bildirilir. İddia ərizəsində sənədlərin saxta olduğu deyilir. İddiada həmçinin Naussany Investments-in heç də real şirkət olmadığı barədə də məlumat verilib.
Sənədlərdə adı çəkilən notarius Liza Mari Preslinin imzasını notarial qaydada təsdiqlədiyini və ya onunla nə vaxtsa görüşdüyünü inkar edib.
Qeyd edək ki, Graceland malikanəsi, bütün dövrlərin ən böyük pop mədəniyyət xadiminin simvolik simvolu ilə tanınıb.
Tennessi ştatının Memfis şəhərində yerləşən mülk hər il yüz minlərlə ziyarətçini cəlb edir.
Gununsesi.info
