Türkiyə hakimiyyəti ölkəyə xarici investisiyaların cəlb olunması, mənzil tikintisinin dəstəklənməsi, həmçinin vətəndaşlıq əldə etmək məqsədi ilə daşınmaz əmlakın alınması qaydalarını sadələşdirib.
Gununsesi.info “Diken”-ə istinadən xəbər verir ki, Türkiyədə bununla bağlı yeni qanun may ayında qüvvəyə minəcək. Yeni qanuna əsasən xarici ölkə vətəndaşı Türkiyədə 300 000 dollar həcmində daşınmaz əmlak əldə edəcəyi təqdirdə, hər hansı digər şərt olmadan vətəndaşlıq hüququ əldə edə bilər.
Ancaq indiyədək yalnız 1 milyon dollar və ondan yuxarı həcmdə daşınmaz əmlak alan və ya Türkiyəyə investisiya yatıran şəxs vətəndaşlıq hüququ əldə edə bilərdi. İndi isə həmin maliyyə həcmi 300 000 dollaradək endirilib.
Türkiyə hökuməti bu addıma ölkədə mənzil satışı tempinin azalması fonunda gedib.
Bununla belə yeni qaydaya əsasən bir sıra ölkə vətəndaşlarının Türkiyədə daşınmaz əmlak əldə etməsi və ya vətəndaşlıq alması şərtlərini sərtləşdirib. Belə ki, Ermənistan və Şimali Koreya vətəndaşlarına Türkiyədə daşınmaz əməlak əldə etmək yasaqlanır.
Hazırladı Mürtəza
Gununsesi.info
