Cəbhə xəttində vəziyyətin yenidən gərginləşməsi və bu gərginləşmə fonunda Azərbaycanın müdafiə naziri Zakir Həsənov vəziyyətlə yerindəcə tanış olmaq üçün bu gün təcili olaraq cəbhə bölgəsinə yollanıb.
Cəbhə bölgəsində yaranmış vəziyyəti Gununsesi.info-ya şərh edən politoloq Qabil Hüseynli bildirib ki, ermənilər 2016-cı ilin “dördgünlük müharibəsi”nin əvəzini çıxamaq üçün cəbhə bölgəsində vəziyyəti gərginləşdirirlər. “Ermənilər bu məqsədlə xüsusən də Tərdət-Ağdərə-Talış istiqamətində lokal xarakterli əməliyyatlar keçirib keçən il itirdikləri mövqeləri geri qaytarmağa cəhd edirlər. Bununla da ermənilər onlara dəyən psixolji zərbəni kompensasiya etmək istəyirlər. Ancaq unutmurlar ki, həm psixoloji, həm hərbi təşəbbüs və ordudakı ruh yüksəkliyi, psixoloji üstünlük Azərbaycan tərəfindədir. Məhz bunun nəticəsidir ki, Azərbaycan işğaldan azad olunan Cocuq Mərcanlıda geriyə qayıdışı təmin etmək üçün işlər aparır. Bütün bu məsələlər psixoloji cəhətdən erməniləri pis vəziyyətə salır və “uğurlar” əldə etmək üçün hərəkətə keçməyə cəhd edir. Ermənilər onu da unutmamalıdırlar ki, Azərbaycan ordusu hazır vəziyyətə durub və onların istənilən həmləsinə cavab verməyə hazırdır”- deyə, politoloq vurğulayıb.
Politoloq deyib ki, əgər ermənilər cəbhə bölgəsində lokal hücumlara başlarsa, Azərbaycan ordusu onların layiqli cavabını verməklə yanaşı, erməniləri daha ciddi itkilərə məruz qoyacaq.
Q.Hüseynli əlavə edib ki, ermənilər işğal altında olan torpaqlarda keçirdikləri “referndum”dan sonra daha azğınlaşıblar: “Rusiyanın ötürməsi ilə cəbhə bölgəsində hərbi əməliyyatları bərpa etmək istəyirlər. Ermənilər onu da anlamırlar ki, bu hərəkətləri onlar baha başa gələcək”.
Mürtəza
Gununsesi.info