Gununsesi.info xəbər verir ki, təhsil eksperti Etibar Əliyev Azərbaycan Kinematoqrafçılar İttifaqında baş verən son proseslərlə bağlı fikirlərini bölüşüb.
Etibar Əliyev bildirib ki, Baba Vəziroğlu qurumun konfransını qeyri-legitim hesab edir və Əli İsa Cabbarovun Azərbaycan Kinematoqrafçılar İttifaqına sədr seçilməsini qəbul etmir.
Məsələyə münasibət bildirən Etibar Əliyev qeyd edib ki, onun fikrincə, yaşlı nəslin və eyni düşüncə tərzinə malik şəxslərin uzun illər mədəniyyət və incəsənət sahəsində dominant mövqedə qalması gənc və orta nəslin nümayəndələrinin inkişaf imkanlarını məhdudlaşdırır.
“Bircə onu bilirəm ki, Baba Vəziroğlu nəslinin və eyni təfəkkürdə olan insanların səhnədən getməməsi gənc və orta nəsildən olan istedadlı insanların önünü kəsir. Bu vəziyyət dəyişməsə, yeni nəsil üçün perspektivlər daha da daralacaq”, – deyə Etibar Əliyev vurğulayıb.
O, həmçinin hesab edir ki, mədəniyyət və yaradıcılıq sahələrində nəsillərarası dəyişimin təmin olunması vacibdir.
Əliyevin sözlərinə görə, əks halda mövcud problemlər daha da dərinləşə və “fəlakət genişlənə” bilər.
Elmar
