Həbsdə olan müğənni Fədayə Laçın bu gün vəkili ilə görüşüb.
Gununsesi.info azvision.az-a istinadən xəbər verir ki, bu haqda müğənninin vəkili Türkəl Süleymanlı bildirib. Onun sözlərinə görə, F.Laçının səhhəti qaydasındadır, saxlanma şəraitindən şikayəti yoxdur.
“Gələn həftə ölkə rəhbərliyinə müraciət etməyi planlaşdırırıq”- deyə vəkil vurğulayıb.
Xatırladaq ki, 2017-ci ildə oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanılan cinayət işi üzrə F.Məmmədova təqsirləndirilən şəxs qismində cəlb olunaraq Nəsimi Rayon Məhkəməsinin qərarı ilə barəsində həbs qətimkan tədbiri seçilib.
Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb. Nəsimi Rayon Məhkəməsinin qərarı ilə F.Laçın barəsində üç ay müddətinə həbs qətimkan tədbiri seçilib.
Gununsesi.info
