Azərbaycan və Türkiyə qardaşlığı kino sahəsində də özünü göstərməyə başlayıb. Belə ki, DADA prodakşn və ARAN film iş birliyinə qərar verərək, komediya janrında film ərsəyə gətirməyi planlaşdırıb.
Gununsesi.info xəbər verir ki, bu barədə ARB TV-yə açıqlama verən DADA prodakşn əməkdaşları yeni “Yanlış anlama” adlı filmdə Azərbaycan və Türkiyə aktyorlarının da yer alacağını vurğulayıb.
Geniş heyət toplayan prodakşn olduqca təcrübəli aktyor və aktrisalara yer verib.
Komediya janrında lentə alınacaq filmdə Azərbaycandan Pərvin Abıyeva, İslam Mehrəliyev və Fərda Xudaverdiyev yer alacaq.
Mətbuat konfransı zamanı aktyor Fərda Xudaverdiyev, tanınmış türkiyəli aktyor, hamının “Rəcəb İvedik” kimi tanıdığı Şahan Gökbakara zarafatla söz atıb: “Buradan Şahan abimə səslənmək istiyirəm. Bu işlər fiziklə olmur. Ekrandan vurmaq asandır. Gəl canlı-canlı vur”.
Qeyd edək ki, filmin çəkilişləri həm Türkiyə, həm də Azərbaycanda baş tutacaq.
Gununsesi.info
