Bakının Suraxanı rayonu, Yeni Günəşli qəsəbəsində yerləşən “Fatimeyi-Zəhra” məscidinin inşası yekunlaşıb. Dini ibadət ocağı artıq istifadəyə tam hazırdır.
Komitədən bildirib ki, “Fatimeyi-Zəhra” məscidinin açılış vaxtı dəqiqləşməyib:
“Düzdür, məscid istifadə üçün hazırdır. Lakin nə zaman istifadəyə veriləcəyi bilinmir. Bu barədə məlumat olduğu zaman ictimaiyyətə bildiriləcək”.
Qeyd edək ki, bir müddət əvvəl “Fatimeyi-Zəhra” məscidinin tikintisi yarımçıq dayandırılmışdı. Suraxanı rayon İcra Hakimiyyəti məscidin sökülməsi ilə bağlı məhkəmədə iddia qaldırmışdı, lakin dindarların etirazından sonra tikinti prosesinə icazə verildi.
Gununsesi.info
