ABŞ-ın Florida ştatında fəaliyyət göstərən Azərbaycan–Amerika Mədəniyyət Mərkəzinin təşəbbüsü ilə “Vətən” həftəsonu Azərbaycan məktəbi təsis edilib.
Diasporla İş üzrə Dövlət Komitəsindən Gunusesi.org-a verilən məlumata görə, məqsəd Azərbaycan dilinin təbliği, xaricdə yaşayan azərbaycanlı uşaq və gənclərə doğma dilimizin, mədəniyyətimizin və tariximizin öyrədilməsidir.
Pandemiya ilə bağlı mövcud tələblərə uyğun olaraq, məktəbin təntənəli açılış mərasimi virtual formatda baş tutub. Artıq Azərbaycan dili dərslərinin onlayn tədrisi başlayıb. Dərslər xüsusi hazırlanmış proqram üzrə peşəkar təlimçilər tərəfindən aparılır.
Azərbaycanın dövlət himninin səsləndirilməsi ilə başlayan dərslərdə ilk olaraq uşaqlara Azərbaycan əlifbası öyrədilir
