Fransa Müdafiə Nazirliyi Rusiya Federasiyasının Ukraynaya qarşı apardığı genişmiqyaslı müharibənin iki ili ərzində Parisin Kiyevə göstərdiyi hərbi yardımların siyahısını dərc edib.
Gununsesi.info xəbər verir ki, nazirliyin məlumatına görə, Fransa Ukraynaya ümumilikdə 2,615 milyard avro dəyərində hərbi texnika tədarük edib. Məlumatda qeyd edilir ki, Avropa Sülh Fondu (EFF) üçün 1,2 milyard avro əlavə oluna bilər. Bu da 24 fevral 2022-ci ildən 31 dekabr 2023-cü ilə qədər ümumilikdə 3,8 milyard avrodan çoxdur.
Müdafiə Nazirliyi bildirir ki, tədarüklər Kiyevi döyüş sursatı ilə təchiz etmək, təlim keçmək və avadanlıqlara texniki xidmət göstərmək meyarlarına cavab verir.
50 maddədən ibarət siyahıya qoruyucu vasitələr, optik, tank əleyhinə sistemlər, hava hücumundan müdafiə sistemləri (Crotale NG, altı Mistral MANPADS, bir SAMP/T sistemi, GM200 radarı), zirehli texnika (38 AMX10 RC yüngül təkərli tanklar),250 zirehli texnika), 160 kəşfiyyat pilotsuz təyyarəsi, 10 pilotsuz uçan aparat, SCALP raketləri (sayı açıqlanmır), 30 “Sezar” özüyeriyən artilleriya qurğusu, altı TRF1 haubitsı, dörd reaktiv yaylım atəşi sistemi, 10 120 mm30 minaatan və s. silah və avadanlıq daxildir.
Bundan əlavə, Müdafiə Nazirliyi qeyd edir ki, 10 minə yaxın ukraynalı əsgər artıq Polşa və Fransa ordularında təlim keçib.
Bundan əvvəl Fransa prezidenti Emmanuel Makron parlamentdə təmsil olunan Fransa partiyalarının liderlərinə “Ukraynadakı vəziyyət”lə bağlı görüşə dəvət göndərib.
Yelisey Sarayı görüşün təfərrüatlarını açıqlamayıb, lakin çox güman ki, bu, Ukrayna və Fransa arasında təhlükəsizlik sahəsində əməkdaşlığa dair parlamentdə keçiriləcək müzakirələrə, eləcə də Makronun Qərb qoşunlarının Ukraynaya göndərilməsi ilə bağlı bəyanatlarına aiddir.
Bundan əvvəl Makron bildirib ki, Rusiyanın Ukraynaya qarşı tammiqyaslı müharibəsi ilə bağlı bütün bəyanatları, o cümlədən Qərb qoşunlarının göndərilməsinin mübahisəli ehtimalını diqqətlə düşünülüb.
Moskva Makronun sözlərinə qəzəblə reaksiya verib və xəbərdarlıq edib ki, Qərb qoşunlarının Ukraynaya yerləşdirilməsi qaçılmaz olaraq Rusiya ilə NATO arasında münaqişəyə gətirib çıxaracaq.
Gununsesi.info
