Fransanın xarici işlər naziri Stefan Sejourne Kiyevə səfərə gəlib.
Gununsesi.info xəbər verir ki, bu barədə Fransa Xarici İşlər Nazirliyinin X sosial şəbəkəsində dərc olunan məlumatında deyilir
“Stefan Sejournet Fransa diplomatik fəaliyyətini davam etdirmək və Fransanın müttəfiqlərinə və mülki şəxslərə sadiqliyini bir daha təsdiqləmək üçün hadisə yerinə ilk səfəri üçün Kiyevə gəlib”, – deyə məlumatda qeyd olunur.
Öz növbəsində Fransa xarici işlər naziri qeyd edib ki, Paris uzunmüddətli perspektivdə Ukraynanı dəstəkləyəcək.
“2 ilə yaxındır ki, Ukrayna öz suverenliyini müdafiə edərək, Avropanın təhlükəsizliyini təmin etməklə cəbhə xəttindədir. Fransanın yardımı uzunmüddətlidir. İlk səfərim zamanı Kiyevə məhz bununla gəldim”, – Sejourne sosial şəbəkədə yazıb.
Bundan əvvəl, yanvarın 12-də Böyük Britaniyanın baş naziri Rişi Sunak Kiyevə səfər edib.
Səfər zamanı Böyük Britaniyanın baş naziri Ukrayna prezidenti Vladimir Zelenski ilə görüşüb və bu görüş zamanı Ukrayna üçün təhlükəsizlik zəmanətləri haqqında saziş imzalanıb.
Müqavilə 10 il müddətinə qüvvədədir.
“Avropanın tarixi dəyişib. Bu təkcə bəyannamə deyil. Bu, Böyük Britaniyanın təhlükəsizlik zəmanətləri nəticəsində gələcək reallıqdır. Əgər 1991-ci ildən sonra belə bir təminat səviyyəsi əldə olunsaydı, o zaman Rusiya təcavüzü sadəcə olaraq olmazdı”, – deyə Zelenski bildirib.
Ukrayna mediasının yazdığı kimi, Britaniya da Ukraynaya təxminən 4,2 milyard funt sterlinq (5,12 milyard dollar) maliyyə yardımı göstərməyi öhdəsinə götürüb.
Bu arada Rusiya tərəfi Ukrayna üçün təhlükəsizlik zəmanətləri haqqında sazişin imzalanmasına kəskin reaksiya verib.
Xüsusilə, Rusiya Təhlükəsizlik Şurasının sədr müavini Dmitri Medvedev bildirib ki, Böyük Britaniyanın hərbi kontingentinin Ukraynaya yerləşdirilməsi Rusiyaya müharibə elanı demək olacaq.
“Ümid edirəm ki, bizim əbədi düşmənlərimiz, təkəbbürlü britaniyalılar başa düşürlər ki, özlərinin rəsmi hərbi kontingentinin Ukraynada yerləşdirilməsi ölkəmizə müharibə elan etmək demək olacaq”, – o, Teleqram kanalında yazıb.
Gununsesi.info
