ABŞ-ın Federal Təhqiqat Bürosunun əməkdaşları Nyu-Yorka “Fort-Ross Dialoqun”a gələn Rusiya Dövlət Dumasının deputatı İnqa Yumaşevanı bir saat dindirib.
Gununsesi.org-un məlumatına görə, bu barədə “RİA Novosti” Rusiya səfiri Anatoli Antonovun sözlərinə istinadən yazıb.
“O, Nyu-Yorkun hava limanında saxlanılıb. Ondan ayrı otağa keçməyini xahiş ediblər və özünü təqdim edən FBR əməkdaşı onu bir saat ərzində dindirib”, – səfir jurnalistlərə deyib.
Onun sözlərinə görə, Yumaşevaya FBR əməkdaşı ilə qeyri-rəsmi şəkildə görüşmək və ünsiyyəti davam etdirmək təklif olunub. Səfir bildirib ki, deputata tamamilə başa düşülməyən, aydın olmayan suallar verilib.
Antonov FBR-in addımlarını biabırçı adlandırıb, səfirlik ABŞ Dövlət Departamentinə etiraz notası yollayıb.
Gununsesi.org
