Azərbaycan millisinin yeni baş məşqçisi Canni De Byazinin daha iki köməkçisi məlum olub.
Gununsesi.org xəbər verir ki, bunlar Benni Karbone və Klaudio Beluççidir.
Karbone son olaraq 2017/2018 mövsümündə İtaliyanın “Krotone” klubunda köməkçi məşqçi işləyib. Kladuio Beluççinin son klubu isə “Albissolo” (2018/2019) olub.
Qeyd edək ki, italiyalı baş məşqçinin daha bir köməkçisi azərbaycanlı Arif Əsədov olacaq. Bu barədə AFFA İcraiyyə Komitəsi dünən qərar verib.
“Qarabağ”ın sabiq futbolçusu, hazırda ABŞ-ın “Nyu York Kosmos” klubunda çıxış edən Ansi Aqollinin də Azərbaycan millisində çalışacağı gözlənilsə də, bu reallaşmayacaq.
Xatırladaq ki, AFFA Canni De Byazi ilə 1,5 illik müqavilə imzalayacaq.
Gununsesi.org
