Gəncədə minik avtomobili hasara çırpılıb, xəsarət alanlar var.
Oxu.Az xəbər verir ki, hadisə şəhərin Şah İsmayıl Xətai prospektində qeydə alınıb.
Hərəkətdə olan VAZ-2107 markalı minik avtomobilinin sürücüsü idarəetmədən çıxaraq yol kənarındakı hasara çırpılıb.
Qəza zamanı xəsarət alanlar, sürücü 1995-ci il təvəllüdlü Şamxal Qurbanov və onun həmyaşıdı Elvin Sadiqlidir.
Qeyd edək ki, qəzaya düşənlər Gəncə Mərkəzi Klinik Xəstəxanasının işçiləridir.
Faktla bağlı araşdırma aparılır.
