“Qafqaz Araşdırmalar Mərkəzi” QHT-lərə Dövlət Dəstəyi Agentliyinin maliyyə dəstəyi ilə həyata keçirdiyi “Gənc alim və tədqiqatçıların fəaliyyətinin stimullaşdırılmasının dəstəklənməsi təşəbbüsləri” layihəsi çərçivəsində “Məsuliyyətli və kreaktiv yanaşma” kitabı hazırlayıb.
Müəlliflər siyasi tarix elmləri doktoru, ictimai siyasi elmlər sahəsi üzrə professor, Türkiyənin nüfuzlu Çag Universitetinin Fən Ədəbiyat fakültəsinin müəllimi, ondan artıq kitab, 100-ə ə yaxın elmi məqalənin müəllifi Xaləddin İbrahimli və Çag Universitetinin Sosyal Bilimlər İnstitutunun müdiri, işlətmə (menecment) sahəsində professor, çoxsaylı kitabların, kitablarda bölümlərin və məqalələrin müəllifi, Türkiyə televiziyalarında ictimai siyasi proqramların icmalçısı, professor, doktor Murad Koçdur.
Kitabda gənc alimlərin və tədiqatçıların faydalanacağı, Azərbaycanın elmi qaynaqlarında mövcud olmayan olduqca qiymətli mövzular əhatəli şəkildə təqdim olunur:
Elmi tədqiqatların müasir metodologiyaları;
Problemləri həll etmə və qərar vermə;
Komanda şəklində fəaliyyətin əsasları;
Dünyanın nüfuzlu elm mərkəzlərinin fəaliyyəti və iş prinsipləri.
Kitab tələbələr, gənc alim və tədiqatçılar, eləcədə də bu sahəni tədris edən müəllimlər üçün nəzərdə tutulub. Onu M.F.Axundov adına Milli Kitabxananın elektron bazasından, Qeyri Hökumət Təşkilatlarına Dövlət Dəstəyi Agentliyinin internet ünvanından, Qafqaz Araşdırmalar Mərkəzi İctimai Birliyindən, eləcə də elmi qurumların elektron informasiya bazalarından əldə etmək olar.
Gununsesi.info
