Hadisə şəhərin Heydər Əliyev prospektində, bina 93B, mənzil 5-də qeydə alınıb. Gununsesi.info xəbər verir ki, ev sahibi, 56 yaşlı Tahir Nərimanov mənzilin vanna otağının işığını yandıran zaman partlayış baş verib. Hadisə zamanı Tahir Nərimanovun sifət və əlləri, həyat yoldaşı 52 yaşlı Asilə Nərimanovanın isə ayaqları yanıq xəsarətləri alıb.Qadına ambulator yardım göstərilsə də, Tahir Nərimanov Gəncə şəhər Təcili Tibbi Yardım xəstəxanasına yerləşdirilib. Vəziyyətinin normal olduğu bildirilir.
Partlayışın qaz sızmasından baş verdiyi bildirilir. Mənzildə yanğın hadisəsi qeydə alınmayıb. Faktla bağlı araşdırma aparılır.
Gununsesi.info
