Rusiyadan qaçan general-leytenant Vladimir Alekseyevə qarşı sui-qəsd cəhdində iştirak edən Zinaida Serebritskaya beynəlxalq axtarışa verilib.
Gununsesi.info xarici mediaya istinadən xəbər verir ki, bu barədə Rusiya Müdafiə Nazirliyinin mətbuat xidməti məlumat yayıb .
Aydınlaşdırılıb ki, bu gün Moskvanın Zamoskvoretski Məhkəməsi müstəntiqin Serebritskayanın qiyabi həbsi ilə bağlı vəsatətinə baxır.
Agentliyin müxbiri müstəntiqin dediklərini sitat gətirir: “O, beynəlxalq axtarışa verilib”.
İlkin məlumatlara görə, şübhəli Türkiyəyə qaçıb.
Xüsusi xidmət orqanları cinayətin iştirakçısı olan Zinaida Serebritskayanın 2020-ci ilə qədər Ukrayna vətəndaşı olduğunu və soyadının Antonyuk olduğunu bildirib. O, 1971-ci ildə Ukrayna SSR-in tərkibində olan Voroşilovqrad (Luqansk) vilayətinin Slavyanoserbsk rayonunun Frunze kəndində anadan olub.
Qeyd edək ki, fevralın 6-sı səhər saatlarında QRU rəis müavini Vladimir Alekseyevə Volokolamsk şossesindəki evində sui-qəsd cəhdi edilib. Hücumçu zabitə ən azı üç dəfə atəş açaraq qaçıb.
Maqsud
