ABŞ-ın Qəzzada bütün əsirləri azad etməsi ilə bağlı dərhal atəşkəs tələb edən qətnamə layihəsi bu gün səsverməyə çıxarılacaq.
Gununsesi.info xəbər verir ki, BMT Təhlükəsizlik Şurasında (BMT TŞ) səhər saatlarında keçirilməsi planlaşdırılan səsvermədə ABŞ-ın bir müddətdir müzakirələr apardığı qətnamə layihəsi müzakirə olunacaq.
Qətnamə layihəsində terrorun bütün formaları pislənilir, Misir və Qətərin təşəbbüsləri təqdir edilir.
Atəşkəsin davamlı atəşkəsə çevrilməsinin vacibliyinə diqqət çəkən qanun layihəsində “Həmas və digər terror və ekstremist qrupların Fələstin xalqını təmsil etmədiyi” və HƏMAS-ın “bəzi üzv dövlətlər tərəfindən terror təşkilatı elan edildiyi” vurğulanır.
Qətnamə layihəsində Qəzzanın 1967-ci ildə işğal olunmuş ərazinin bir hissəsi olduğu vurğulanır və iki dövlətli həll prinsipi dəstəklənir.
Qətnamə layihəsində sözügedən atəşkəsin münaqişələrin daha dayanıqlı şəkildə dayandırılmasına şərait yaratmaq fürsəti kimi baxılmalı olduğu qeyd edilir və bu istiqamətdə diplomatik səylərin artırılması tələb olunur.
Qətnamə layihəsi bütün tərəfləri beynəlxalq hüquqa və beynəlxalq humanitar hüquqa riayət etməyə, mülki əhalinin və mülki infrastrukturun qorunmasına və humanitar yardımın əldə edilməsinin təmin edilməsinə çağırır.
Qətnamə layihəsi Qəzzada mülki şəxslərin məcburi köçkünlüyünə qarşıdır və bunun beynəlxalq hüququ, beynəlxalq humanitar hüququ və beynəlxalq insan haqları hüququnu pozacağını bildirir.
BMT TŞ-nin seçilmiş 10 üzvü də Qəzzadakı vəziyyətlə bağlı qətnamə layihəsi hazırlayır.
“E-10” qətnamə layihəsi olaraq bilinən mətndə Ramazan ayında Qəzzada təcili atəşkəs tələb olunur.
Qətnamə layihəsində bütün əsirlərin dərhal və qeyd-şərtsiz azad edilməsi, həmçinin humanitar yardımın paylanmasının genişləndirilməsi və buna maneələrin aradan qaldırılması tələb olunur.
Digər tərəfdən, iki həftədir Qəzza ilə bağlı BMT Təhlükəsizlik Şurasının qapalı iclasını toplayan Fransa da qətnamə layihəsi hazırlayır. Fransa layihəsində daha sonra daimi atəşkəsə diqqət yetiriləcəyi bildirilir.
Gununsesi.info
