Güclü küləklə bağlı daha bir xəbərdarlıq

  • By ilhame
  • 17 Dekabr 2023 13:40

“Ölkə ərazisində hava şəraitinin sərtləşəcəyi, xüsusən güclü külək əsəcəyi proqnozlaşdırılır. Bakı və Abşeron yarımadasında şimal küləyinin, rayonlarda qərb küləyinin güclü olması ehtimalı var”

Ekologiya və Təbii Sərvətlər Nazirliyinin mətbuat katibi İradə İbrahimova Gununsesi.info-ya bildirib ki, bu səbəbdən daha ehtiyatlı davranmaq tövsiyə olunur:

“Hava  məlumatlarını diqqətlə izləyin, gün ərzində küləyin güclənəcəyi proznozunu unutmayın. Bir daha xatırladırıq ki, uşaqları nəzarətsiz  buraxmayın, nəqliyyat vasitələrini iri gövdəli ağacların altında saxlamayın.

Tikinti işləri gedən obyektlərin, reklam lövhələrinin, hündür ağacların, elektrik dirəkləri və naqillərin altında dayanmamaq məsləhətdir.

Unutmayaq ki, ehtiyatlı davranmaq hər birimizin sağlamlığı və təhlükəsizliyi üçün vacibdir”.

Gununsesi.info