Cinayət Məcəlləsinin 147.2-ci maddəsi (böhtan) ilə xüsusi ittiham qaydasında məhkəməyə verilən sabiq deputat Gültəkin Hacıbəyli ona qarşı iddia qaldıran şəxsin kimliyi açıqlanıb.
Gununsesi.info-nun xəbərinə görə, bu barədə sosial şəbəkə hesabında yazan sabiq deputat bildirib ki, bu, sosial şəbəkə üzərindən tanıdığı Leyla Arif adlı birisidir: “Əlikram Hümbətov kimi xaini, erməni agentini təbliğ edib, onunla silsilə müsahibələr edib “Talış-Muğan Respublikası” kimi separatçı qurumun mövcudluğuna haqq qazandıran, mərhum prezident Əbülfəz Elçibəyi, milli hökuməti və müxalifəti faşist adlandıran, türk millətini sistemli şəkildə təhqir edən, aşağılayan birinə separatçı demək cinayətdirsə, bəli, mən cinayətkaram və bununla qürur duyuram. Mən bu yolda nəinki azadlığımı, canımı da sevə-sevə qurban verərəm”.
Xatırladaq ki, Gültəkin Hacıbəyli bu gecə saatlarında Belçikadan Bakıya dönərkən hava limanında saxlanılıb.
Nəsimi rayon Məhkəməsinə aparılan siyasətçiyə barəsində xüsusi ittiham qaydasında iş olduğu deyilib.
Qeyd edək ki, sosial şəbəkədə aktiv olan bu şəxs hazırda hesabını dondurub.
Günay
Gununsesi.info
