“Gündəlik Bakı” qəzetinin və eyniadlı saytın təsisçisi və baş redaktoru Habil Vəliyev polis tərəfindən saxlanılıb.
Gununsesi.info-nun məlumata görə, H.Vəliyev barəsində Daxili İşlər Nazirliyinə bir neçə vətəndaşdan daxil olan müraciətlər əsasında saxlanılıb.
Məlumatı DİN-dən təsdiqləyiblər. Faktla bağlı araşdırma aparılır.
Qeyd edək ki, müxtəlif adlar altında bir neçə sayt idarə edən Habil Vəliyev bir neçə il əvvəl hədə-qorxu cinayətlərinə görə həbs olunmuşdu.
Görünür, həbsxanada islah olunmayan Habil Vəliyev daha bir neçə ilini cəzaçəkmə müəssisəsində keçirməli olacaq.
Habil Vəliyevin özünü cəzasızlıq mühitində hiss etdiyi dövr Eldar Mahmudovun MTN-nə rəhbərlik etdiyi müddətə təsadüf edib.
Adıçəkilən nazirliyin ATM-in mediadakı adamı olan Habil MTN-in sifarişi ilə çoxsaylı şəxslər haqqında böhtan xarakterli yazılar dərc edib. Bu yazılardan sonra həmin şəxslər MTN tərəfindən hədəfə alınıb.
Gununsesi.info
