Güney azərbaycanlılar terror aktı ilə əlaqədar Təbrizdəki konsulluğumuzun önünə gül dəstəsi qoyublar - FOTO

  • By admin
  • 28 Yanvar 2023 19:32

Güney azərbaycanlılar Tehrandakı səfirliyimizə edilən hücumla əlaqədar başsağlığı vermək üçün respublikamızın Təbrizdəki Konsulluğunun önünə gül dəstəsi qoyublar.

Gununsesi.info xəbər verir ki, bu barədə “Azad İran” “Telegram” kanalı məlumat verir.

Məlumatda deyilir: “Güney azərbaycanlılar Azərbaycanın Tehrandakı səfirliyinə qarşı terror aktını pisləmək və başsağlığı vermək üçün Azərbaycan Respublikasının Təbrizdəki Konsulluğuna gül dəstəsi qoyublar”.

Xatırladaq , yanvarın 27-də Azərbaycanın İrandakı Səfirliyinə terror hücumu olub. Hücum nəticəsində mühafizə xidmətinin rəisi qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar.

Gununsesi.info