Bu gündən Gürcüstan Avropa dövlətidir, Avropa ölkəsidir.
Gununsesi.info xəbər verir ki, bunu jurnalistlərə Gürcüstanın baş naziri İrakli Qaribaşvili Avropa İttifaqının ölkəyə namizəd statusu vermək qərarını şərh edərkən deyib.
O qeyd edib ki, Gürcüstan hazırda Avropa İttifaqına namizəd ölkədir.
Gürcüstanın baş naziri xatırladıb ki, Gürcüstan hökuməti xüsusilə 2012-ci ildən ölkənin Aİ-yə inteqrasiyası üçün fəal səylər göstərib. Bu uğur Gürcüstan xalqınındır”, – deyə o vurğulayıb.
Bundan əlavə, Qaribaşvili gürcü xalqını Avropa İttifaqının (Aİ) qərarını şənbə günü, dekabrın 16-da Tbilisidə Azadlıq meydanında qeyd etməyə dəvət edib.
Xatırladaq ki, Aİ Gürcüstana namizəd statusu verib, həmçinin Ukrayna və Moldovanın üzvlük danışıqlarına başlamaq qərarına gəlib.
Gununsesi.info
