“Plus Capital” maliyyə piramidasının təşkilində şübhəli bilinən şəxs Gürcüstandan Qazaxıstana ekstradisiya edilib.
Gununsesi.info xəbər verir ki, bu barədə Qazaxıstan Baş Prokurorluğunun mətbuat xidməti məlumat yayıb.
“Onun yaratdığı cinayətkar qrup 2020-ci ildə Manqistau vilayətində “Plus Capital” maliyyə piramidasını təşkil edərək 600-dən çox investorun ümumi məbləği 3 milyard tengedən (təxminən 6,8 milyon dollar) çox olan vəsaitlərini və daşınmaz əmlakını qanunsuz olaraq mənimsəyib”- deyə bildirilib.
Məlumata əsasən bu cinayətkar dəstənin bəzi üzvləri artıq məhkum olunublar və təşkilatçılar yoxa çıxıb. Bundan əvvəl o, beynəlxalq axtarışa da verilmişdi.
O, 2023-cü ilin noyabrında Gürcüstan ərazisində saxlanılıb. Hazırda şübhəli şəxs Aktau şəhərinin istintaq təcridxanasındadır.
Qeyde edək ki, Qazaxıstanda onu əmlakı müsadirə olunmaqla və müəyyən vəzifə tutmaq hüququndan ömürlük məhrum edilməklə 7 ildən 12 ilədək müddətə azadlıqdan məhrumetmə cəzası gözləyir.
