Gürcüstada Prezident iqamətgahına basqın etməyə cəhd göstərənlərdən daha 8 nəfəri saxlanılıb.
Gununsesi.info xəbər verir ki, bu barədə daxili işlər nazirinin müavini Aleksandr Daraxvelidze jurnalistlərə bildirib. Onun sözlərinə görə, polis oktyabrın 4-də Tbilisidə zorakılıq edən vətəndaşlarla bağlı araşdırmaları davam etdiri.
“4 oktyabr hadisələri ilə bağlı ümumilikdə 44 nəfər saxlanılıb, daha 4 nəfər isə hələ də axtarışdadır”, – Daraxvelidze bildirib.
O qeyd edib ki, zorakılıq edən şəxslərin saxlanması əməliyyat video görüntüləri və televiziya reportajlarına əsaslanır.
