Gürcüstanın paytaxtı Tbilisidən 20 kilometr aralıda yerləşən Rustavi şəhərindəki marketdə silahlı şəxsin açdığı atəş nəticəsində 4 nəfər həlak olub, 1 nəfər yaralanıb.
Gununsesi.info xəbər verir ki, Gürcüstan Daxili İşlər Nazirliyinin yaydığı açıqlamada hücum edənin həbs edildiyi bildirilib.
Açıqlamada həyatını itirənlərdən birinin silahlı hücumçunun əmisi və yaralının əmisi oğlu olduğu da bildirilib.
Gürcüstanda kütləvi atışmalara nadir hallarda rast gəlinir, lakin 2023-cü ilin yanvarında keçmiş hərbçi mənzilinin eyvanından atəş açaraq özü də daxil olmaqla 6 nəfəri öldürmüş, beş nəfəri yaralamışdı.
Gununsesi.info
