Gürcüstanda silahlı insident zamanı yaralanmış azərbaycanlı namizəd səs çoxluğu qazanıb

Gürcüstanda silahlı insident zamanı yaralanmış azərbaycanlı namizəd səs çoxluğu qazanıb

gurcu-secki-1
Oktyabrın 19-da Marneulidə baş vermiş silahlı insident zamanı yaralanmış hakim “Gürcü Arzusu” Partiyasının Qızılhacılı kəndi üzrə bələdiyyə üzvlüyünə majoritar namizədi Ceyhun Çovdarov seçkilərdə səs çoxluğu əldə edib.

APA-nın yerli bürosu Gürcüstan Mərkəzi Seçki Komissiyasına istinadla xəbər verir ki, Qızılhacılı kəndinin 89 saylı seçki məntəqəsi üzrə səsvermə protokolunda C.Çovdarovun 240 səs əldə edərək birinci yer tutduğu qeyd olunub.

Xatırladaq ki, silahlı insident zamanı C.Çovdarovla yanaşı onu müşayiət edən 4 nəfər də yaralanıb. Xəstəxanada olan C.Çovdarovun vəziyyəti stabildir. Gürcüstan DİN insidentlə bağlı istintaqı davam etdirir.
Gununsesi.info

COMMENTS