Hələb Beynəlxalq Hava Limanı 3 aylıq təmir işlərinin tamamlanmasından sonra yenidən fəaliyyətə başlayıb.
Gununsesi.info xarici mediaya istinadən xəbər verir ki, açılış mərasimində Hələb qubernatoru , hava yollarının direktoru və Hələbin tanınmış simaları iştirak ediblər.
Daha əvvəl devrilmiş rejim ünsürlərinin və terror təşkilatı PKK/YPG-nin vurduğu ziyana görə hava limanı fəaliyyətini dayandırmaq məcburiyyətində qalmışdı.
Mülki Aviasiya Baş İdarəsinin intensiv səyləri nəticəsində hava limanı 3 aylıq təmir işləri başa çatdıqdan sonra bu gün yenidən fəaliyyətə başlayıb.
Dəməşq Beynəlxalq Hava Limanından gələn təyyarə hava limanında mərasimlə qarşılanıb və Hələbdən Dəməşqə uçuş həyata keçirilib.
