HƏMAS amerikalı milyarder İlon Maskı İsrailin hücumları nəticəsində yaranan dağıntıları görmək üçün blokadada olan Qəzza zolağına getməyə çağırıb.
Gununsesi.info xəbər verir ki, bu barədə jurnalistlərə Həmas liderlərindən biri Üsamə Həmdan Maskın dünənki İsrail səfərini şərh edərkən bildirib.
“Biz onu (Mask) obyektivlik və etibarlılıq standartlarına uyğun olaraq qəzzalılara qarşı törədilən qırğın və dağıntıların miqyasını görmək üçün Qəzzəyə səfər etməyə dəvət edirik”, – deyə o əlavə edib.
Qeyd edək ki, amerikalı milyarder İlon Mask İsrailin baş naziri Benyamin Netanyahu ilə noyabrın 27-də Qəzza zolağı ilə sərhəddə yerləşən Kibbutz Kfar Azaya gedib.
İlon Mask prezident İsxak Hersoq və baş nazir Benyamin Netanyahu ilə görüşüb.
Gununsesi.info
