Azərbaycan jurnalistikası daha bir gənc simasını – Sərxan Kamallını itirdi.
ANS televiziyası dönəmindən tanıdığımız gənc həmkarımız iki gün əvvəl düşdüyü komadan çıxa bilmədi.
Peşəkar jurnalist olması ilə bərabər insani keyfiyyətləri Sərxana böyük hörmət qazandırmışdı.
Məhz bu səbəbədəndir ki, bugün sosial şəbəkələrdə hamı onun itkisindən yazır.
Gununsesi.info Sərxan Kamallının ölümü ilə bağlı həmkarlarının sosial şəbəkədə yazdığı qeydlərini təqdim edir:
Vüqar Hüseynov:
İctimai TVdə qazandığım ən yaxşı dostlardan biri də Sarkhan Kamalli oldu. Qapıdan içəri girən kimi gülərüzlə, mehribanlıqla “Qaqan gəldi” deyirdi.
Çox savadlı, qayğıkeş, abırlı adam idi Sərxan. Daim çalışırdı, tələsirdi. Ev almaq üçün, övladlarını daha yaxşı gələcəklə təmin etmək üçün tələsirdi. Növbədən çıxıb saytda işləməyə gedirdi, oradan çıxıb başqa bir sayta məqalə verirdi.
Hər yer üçün, hər şey üçün çox çalışırdı, bir sağlamlığı üçün çalışmırdı…
Yüksək təzyiqlə, gözləri qıpqırmızı gəzirdi. Ay Sərxan, bir az istirahət elə deyəndə də “borcları bağlamaq lazımdır, heç nə olmaz, harada qırılar, qırılar” deyib gülürdü.
Qırıldı, Sərxan… Özü də 41 yaşında qırıldı… O qədər yaşamağa layiq idin ki… O qədər yaxşı insan idin ki… Dünən xəstəxananın qapısına ümidlə baxırdım ki, bir gün oradan salamat çıxacaqsan və deyəcəksən ki, qaqan gəldi, qaqan ölməyib ki…
Çox təəssüf edirəm, mənim böyük qardaşım.
Məkanın cənnət olsun!
AFƏT TELMANQIZI:
ANS-in uşaqlarına nə oldu? Niyə yarı yol, yarı mənzil olduq?
Bu artıq neçənci?
Ədəb-ərkanlı, sakit təbiətli qardaşımız Sərxan möcüzə gözlədik, amma olmadı.
Nur içində yat əziz qardaşımız.
LƏMAN ƏLƏŞRƏFQIZI:
