Somalidə hərbi bazaya hücumda 70-ə yaxın əsgər öldürülüb.
Gununsesi.info Anadolu agentliyinə istinadla xəbər verir ki, yüksək rütbəli hərbçi Ahmed Mohamed “Aş-Şabab” terror qruplaşmasının silahlılarının Somalinin şimal-şərqindəki Puntland bölgəsində Af-Urur hərbi bazasına partladıcı və ağır silahlarla hücum etdiyini bildirib. O, ilkin məlumatlara görə, 70-ə yaxın əsgərin öldüyünü, onlarla hərbçinin isə yaralandığını vurğulayıb.
Somali ordusu silahlı qruplaşmanı geri çəkilməyə məcbur edib.
“Aş-Şabab”ın yaydığı açıqlamada 61 Somali əsgərinin öldürüldüyü, orduya aid çox sayda hərbi avtomobil və silah-sursatın ələ keçirildiyi bildirilib.
Gununsesi.info
